Agsagsaganan ti siudad ti Baguio para kadagiti anyaman a didigra a mapasamak nangruna iti “The Big One.”
Iti panakiuman ti Bombo Radyo kenni Engr. Charles Bryan Carame, City Disaster Risk Reduction and Management Council (CDRRMC) Chief-Earthquake Preparation, kinunana nga awan ti siasinuman a nakasagana no maipapan iti didigra nupay kasta, ar-aramiden amin ti opisina dagitoy ti kabaelanda maipapan kadagiti nagduduma nga addang tapno mamitigate daytoy.
Sigun kenni Engr. Carame, dagiti sumaganad nga addang nga ipatpatungpalda ket ti panangpasigurado a tunggal pasdek iti siudad ket addaan iti building permit.
Ngem, agbalbalin a karit kadakuada no kasano nga agbalin a building-resilient ti tunggal pasdek iti siudad nangruna ket 80% kadagitoy ket awanan iti building permit.
Nabayag met a maim-implemetar ti panagala ti publiko iti building permit manipud 1970s ngem saan nga amin ket agtultulonog iti daytoy nangruna ti kinaawan iti titulo kadagiti lote.
Maipalpalagip daytoy kadagiti agipatakder iti balay tapno maadal iti soil quality dagiti kaibangonan dagiti pasdek kasta met a maamoan no mano a kadsaaran tapno masigurado a natibker daytoy no kaspangaringan mapasamak ti anyaman a didigra.
Kinuna ni Engr. Carame a malaksid iti panagala iti building permit ket iup-update dagitoy ti multihazard plans-da, saan laeng a maipapan iti ginginned no diket pakairamanan dagiti daduma pay.
Malaksid iti dayta ket agtultuloy ti ipatpatungpal dagitoy nga earthquake drill tapno amin ket mapakaamoan.
