Narugyanen ti panakaibangon dagiti stalls idiay Rose Garden, Burnham Park nu sadino, manamnama a dumanon ti bilang dagitoy iti uppat a pulo(40).
Iti panakiuman ti Bombo Radyo kenni Gladys Vergara, chairperson iti Baguio Tourism Council, agtultuloy ti panagsagana dagitoy para iti Enchanting Baguio Christmas ita a tawen iti baet nga adda ti pangta ti panagdalapos dagiti bagyo.
Para ita a tawen,European Christmas Market ti tema daytoy a pasetan saan laeng dagiti lokal a negosyo nu di ket dagiti daduma pay kas kadagiti embassies iti Poland ken Italy.
Naituding ti panaglukat wenno panakaiyuswat daytoy inton November 28 nu sadino, impanamnama ni Vergara ti naan-anay a panakaisagana dagiti fountains a maysa kadagiti kapipinatasan a mabalin a sarungkaran bayat ti holiday season.
Malaksid iti dayta, nakapila metlaeng dagiti daduma pay nga aktibidad kas iti Cantata, Barangay Day, ken pet shows.
Kabayatanna, inlawlawag ti opisyal a self-sustaining ti Baguio Tourism Council ngem dinakamatna metlaeng nga adda ti impaay ti lokal a gobyerno iti Baguio a tulong para iti daytoy.//Bombo Jez Lapizar
