--Ads--
Nailaylayon ti Strawberry lane a paset ti pyesta ti Strawberry Festival ti La Trinidad, Benguet agingga inton bigat.
Daytoy ket tapno mailako dagiti sellers dagiti amin a lakoda nangruna ket saanda daytoy a nadispose idi napalabas a bulan.
Maipalagip a ti strawberry lane ket nangrugi idi Marso a tres iti agdama a tawen ken naituding nga agleppas idi Marso a trenta ngem nailaylayon daytoy.
Gapu iti dayta, maal-allukoy ti publiko nga agturong sadiay Km. 5, La Trinidad ken gumatang kadagiti produkto a lako sadiay.
Dagiti kangrunaan met a produkto a magatang iti Strawberry lane ket dagiti strawberry cake, strawberry jam, floats ken nagduduma a produkto a nakaaramatan ti strawberry ken daduma pay.
