Agparparang nga adda iti “‘wait and see’ mode” ti sumagmamano a mammanday-linteg iti impeachment complaint kontra kenni Vice President Sara Duterte kalpasan ti rally ti simbaan nga Iglesia Ni Cristo idi Lunes, sigun kenni House Secretary-General Reginald Vasco.
Daytoy ket iti baet a maipila paylaeng ti maikapat nga impeachment complaint.
Idi nadamag nu anya ti kayanta a sawen ti “wait and see,” kinuna ni Velasco a saan a nalawag nu mangipilada pay ti maysa manen a reklamo wenno saan.
Gapu iti dayta, kinuna ni Velasco a mapuersa daytoy nga i-transmit ti tallo a reklamo iti opisina ni House Speaker Martin Romualdez.
Maipalagip nga agarup 1.58 milion a tattao ti nagparang iti Quirino Grandstand idiay Manila para iti rally nga inorganisar ti Iglesia ni Cristo tapno suportaran ti kinuna ni President Ferdinand Marcos Jr. a kontra daytoy iti impeachment kenni Vice President Sara Duterte.
