BAGUIO CITY – Kinontra ni Mayor Benjamin Magalong ti agwarwaras a damag seknan iti saan nga umdas a suplay ti antivenom iti siudad.
Kagiddan daytoy ti ngumatngato a bilang dagiti kaso ti snake bite.
Sigun kenkuana, adda ti suplay ti Purified Cobra Anti Venom (PCAV) iti Baguio General Hospital and Medical Center.
Nupay kasta, impasigurado-na nga umdas ti antivenom suplay iti nasao a pag-agasan nu sadino agingga iti agdama ket agtaltalinaed a daytoy paylaeng ti mabalin nga ag-administer.
Malaksid iti dayta, kitkitaenda ti posibilidad ti panakaiwaras dagiti antivenom kadagiti nagduduma a health centers para iti dagus a panaka-access kadagitoy.
Maipalagip nga idi napalabas a tawen ket nakailista ti siudad ti Baguio ti innem a pulo ket innem a kaso ti snake bites ken 60% kadagitoy ket non-poisonous.//Bombo Jez Lapizar/Bombo Mera Pacpacan
