Napaneknekan a guilty ni Alyas Sandy gapu iti panaglabsingna iti RA 11862 wenno ti Trafficking in Persons.
Naipaayan daytoy iti pannusa a duapulo a tawen a pannakaibalud ken namulta iti 2 million pesos.
Malaksid iti dayta, nabilin daytoy nga agbayad iti P500,000 kas moral damages ken P100,000 kas exemplary damages.
Addaan daytoy iti interest rate a 6% iti tunggal tawen manipud iti naudi nga aldaw a desision ti korte agingga a mabayadanna ti nasao a gatad.
Iti panakiuman ti Bombo Radyo kenni Police Chief Master Sergeant Andrea Abion iti Women and Children Protection Desk Station 7, naiturongen ti biktima sadiay Bulacan.
Iti agdama, addan ti suspek iti National Bilibid Prison.
Maipalagip a naipablaak a mapukpukaw ti maysa a menor de edad ken naudi a nakita iti siudad ti Baguio idi Hulyo idi napalabas a tawen.
Nasarakan daytoy a kaduana ti nasao a suspek kalpasan ti duapulo nga aldaw nga operasyon dagiti nagduduma nga otoridad.
