Nakasagana ti Swedish Government a tulungan ti Pilipinas para iti safe, sustainable ken responsible a panagmina.
Bayat ti 70th Annual National Mine Safety and Environment Conference a naipatungpal iti siudad ti Baguio, imbinglay da Harald Fries, dadaulo ti mission of the Embassy of Sweden in Manila ken Sweden Trade Commissioner Johan Lennefalk nga adu pay ti maibinglay dagitoy a mining practices.
Kagiddan dayta,impasiguradoda ti suporta dagitoy a mangisuro kadagiti agtutubo nga addaan interes nga agadal iti mining engineering.
Indiayada pay ti panangakomodar kadagiti sumagmamano a Pilipino nga agturong iti Sweden mining sites tapnu mabuyada iti actual ken makita dagiti practices ti miners sadiay nu sadino daytoy ket environment friendly, safe, sustainable, ken responsible mining.
Malaksid iti dayta, mabalin nga agserbi daytoy kas trainingda.
Nupay iti agdama ket awan pay iti ispesipiko a programa tapno maipasidong dagiti minero a Pilipino iti panagsanay para iti natalged a panagmina, impanamnama da Fries ken Lennefalk a posible a makaaramidda iti capacity building programs para kadagiti Pilipino.//Bombo Gen Depayso
