Nadangran ti tallo a Pilipino iti napasamak nga uram iti innem a kadsaaran a pasdek idiay Kuwait City.
Kinumpirmar daytoy ti Department of Migrant Workers (DMW) ita nga aldaw.
Sigun kenni DMW Secretary Hans Cacdac, sangapulo ket maysa nga Overseas Filipino Workers ti naapektaran gapu iti uram.
Kinunana a nakikoordinardan iti karaman a kompania.
Ti tallo a Pilipino a naapektaran ket dagos a naiturong iti pag-agasan nu sadinno, dua kadagitoy ket kritikal ti kondisionna.
Kabayatanna, iti maysa a report, kinuna ti health ministry ti Kuwait a nangrugi ti uram iti parbangon nu sadinno nadangran ti dinosdosena nga indibidual.
Maibasar iti datos, uppat a pulo ket siam nga indibidual ti pimmusay.
Impeksa met dagiti sumagmamano a dadaulo ti panagriknada kadagiti naawanan ti pamilya.
