Nasayaat ti partisipasion ti team Cordillera iti manarimaan a PRISAA 2025 idiay Cagayan agsipudta nagballigi dagitoy iti umuna nga ay-ayamda kontra iti Region 3, Central Luzon.
Iti pannakiuman iti Bombo Radyo kenni Danny Cong-o, dadaulo iti nasao a delegasion ken OIC-Vice President iti PRISAA CAR, kinunana a dumanon iti 365 a buklen ti 321 nga atleta pakairamanan ti Senior ken Youth Division ti delegasion ti Cordillera.
Sigun kenni Cong-o, posible a pasetan ti team Cordillera dagiti amin nga sports malaksid laeng iti dancesports.
Iyunay-unayna a kabaelanda ti temperatura sadiay agsipudta kaaduan kadagiti ay-ayam ket nakaschedule iti agsapa wenno iti malem.
Impeksa met daytoy a saan nga agdanag dagiti parents ken guardians dagiti atleta agsipudta nasayaat ti kasasaad dagitoy.
Malakid iti dayta, adda metlaeng dagiti kadwa dagitoy a Doktor ken medical team manipud kadagiti nagduduma a pagadalan iti siudad ti Baguio.
Iyunay-unayna metlaeng a nainget a mabanbantayan ti siguridad dagitoy.
Kabayatanna, dakkel ti panagyamanna agsipudta awan ti parikot dagitoy no maipapan iti transportasion.
Iti agdama, panggep ti team Cordillera ti agballigi ken artapanda ti top 3 a posision dagitoy iti napalabas a PRISAA.
Sigun pay kenni Cong-o , defending champion ti Cebu, Western Visayas, Region 6 ken Region 7 idi napalabas a tawen.
Nupay kasta, Gold mine ti rehion Cordillera iti taekwondo ken weighlifting, Archery-Girls ken Athletics.//mp4
