BAGUIO CITY – Nakasaganan dagiti stakeholders iti tourism industry ti Baguio a mangakomodar kadagiti turista kagiddan ti panangipalubos ti lokal a gobyerno ti siudad iti panagturong ditoy dagiti fully vaccinated a turista.
Sigun kenni Andrew Pinero, panakangiwat ti Hotel and Restaurant Association of Baguio, babaen daytoy iti panakabakuna iti maidua a dose ti dumanon 5,000 nga stakeholders ti tourism sector ti siudad iti tallo nga aldaw a panagbakuna kontra iti COVID-19.
Kinunana a gapu iti daytoy ket addaanen ti naan-anay a proteksion dagiti personnel ti tourism sector ti siudad manipud iti COVID-19.
Inyulitna a dakkel a banag kadagiti agtatrabaho iti tourism sector ti panakailukat manen ti turismo ti siudad.
Inlawlawagna a daytoy ket gaputa iti agdama ket 12 laeng nga aldaw iti makabulan ti panagtrabaho dagitoy isut gapuna nga adayo a bassit ti masusweldoda no idilig idi awan ti pandemya. (-report ni Bombo Brigitte Marcasi)
