![](https://img.bomboradyo.com/baguio/2021/05/taxi-baguio.jpg)
BAGUIO CITY – Agpadan ti traffic scheme para kadagiti taxi a masurot iti siudad ti Baguio ken iti munisipyo ti La Trinidad, Benguet.
Babaen daytoy iti bileg ti Executive Order No. 14, series of 2022 nga impaulog ti mayor ti La Trinidad a mangibilbilin iti panakaimplementar ti temporaryo a traffic scheme para kadagiti taxi nga agbibiahe sadiay a maipada wenno maitunos iti traffic scheme ti siudad ti Baguio.
Epektibo ti temporaryo a traffic scheme iti entero a bulan ti masungad a Marso.
Nailanad iti pammilin a maisupadi iti maim-implementar a traffic scheme ti La Trinidad ti naipaulog a traffic scheme dagiti taxi nga agbibiahe iti Baguio para iti Marso.
Gapu iti daytoy, naipaulog ti pammilin tapnu awanen ti panakariro ken saan a marigatan dagiti pasahero ken dagiti drivers/operators dagiti taxi a sumsumrek iti masakupan ti La Trinidad.
Naamuan nga iti traffic scheme ti Baguio ken La Trinidad, uppat a plate number ending ti mapawilan nga agbiahe iti innaldaw ken agbiahe dagitoy iti alas-sais ti agsapa agingga iti alas-sais ti agsapa iti kabigatanna.
Maikalkalikagum ti panangimplementar dagiti taxi iti minimum health standards kontra iti COVID-19.