--Ads--
BAGUIO CITY – Nakemmeg ti maysa a turista gapu iti panangibiahena iti marijuana iti naisayangkat a checkpoint/interdiction operation iti deppaar ti Poblacion West, Lamut, Ifugao idi kalman.
Nabigbig daytoy a ni Marvie Allen De Guzman manipud Caloocan.
Nakumpiskar kenkuana ti pito a marijuana bricks nga aggatad ti P875,000.
Sigun iti PDEA-Cordillera, nakalugan ni De Guzman iti parapasahero a bus manipud Bontoc, Mt. Province ken paturong sadiay Cubao.
Naisayangkat ti operasyon babaen iti nagtitipon a pwersa ti PDEA-IFUGAO, PDEA-Mt. Province, PDEA-Nueva Vizcaya, Lamut Municipal Police Station, Provincial Drug Enforcement Unit ti Ifugao PPO ken Mt. Province PPO.
