BAGUIO CITY – Maur-uray paylaeng ti ipaiyulog ti ONE Championship nga schedule dagiti ay-ayam nu sadino dagiti striking events ti kaadwan a maipatungpal ita a tawen.
Iti panakiuman ti Bombo Radyo kenni Eduard Folayang, ti two-time ONE Lightweight Champion, adda pay ti nabatbati a nasurok makatawen iti kontratana iti ONE Championship ken silulukat paylaeng daytoy kadagiti anyaman a laban a maipaay kenkuana bayat nga aktibo paylaeng iti tay-ak ti Mixed Martial Arts (MMA).
“Ad-adu pay kuma nga event iti MMA tapno adu ti mas opportunity nga makaay-ayam dagitoy kakadwa, and even kanyak.”
EDUARD FOLAYANG, CHAIRMAN AND CO-Founder of Lions Nation MMA, Two-time ONE Lightweight Champion
Kagiddan dayta, dinakamat ni Folayang a manarimaan ti panakaipasidong ni Joshua Pacio iti rehabilitation manipud iti nasagrapna a panakadunor.
Malaksid kenni Pacio, daduma kadagiti Cordilleran Mixed Martial Artists ti agtultuloy nga agsansanay kas kenni Jeremy Pacatiw.
Kabaytanna, agyamyaman ni Folayang iti amin a napasamak iti Lions Nation nu sadino nakaipaay daytoy ti gundaway kadagiti addaan ti interest iti martial arts a makapag-ay-ayam.
Innayon ni Folayang a panggepda a paaddoen pay dagiti agtutubo nga interesado iti martial arts a sanayen ken pagbalinen a world champion iti nasao a tay-ak ti ay-ayam kadagiti sumarsaruno pay nga henerasyon.
