BAGUIO CITY- Impatalged ti National Food Authority (NFA) ti supply ti NFA rice a maiwaras iti publiko kabayatan dagiti kalamidad.
Iti pannakiyuman ti Bombo Radyo Baguio ken Frederick Dulay, branch manager ti NFA La Union, umdas ti buffer stocks wenno supply ti nasao a kita ti bagas para iti La Union ken Benguet.
Inlawlawagna a kalidad ti supply ti NFA rice nga iwarwarasda gaputa agtataod daytoy kadagiti lokal a mannalon
Innayunna nga inpanamnama a nadalus dagiti magatgatang a supply manipod kadagiti local farmers.
Dinakamatna a kanayun metlaeng iti panagsukimat ti Quality Assurance Team kadagiti bodega isut gapu a napintas ti kalidad ti bagas a maipapaay kadagiti agkasapulan.
Kabayatanna, pinunasna ti amak ti publiko kadagiti alegasyon a malalaokan dagiti commercial rice iti NFA rice.
Impeksana nga awan pay ti naiwanawanda seknan iti nasao a banag ken impaganetgetna nga agingga nga ada ti bileg ti Rice Tarrification Law ket saan a mailako ti NFA rice kadagiti merkado publiko.
