Pinalagipan ti Department of Labor and Employment (DOLE) dagiti employer ti panangipaay dagitoy iti umno a sweldo para kadagiti empleyadoda nga agtrabaho ita nga aldaw kagiddan ti araw ng kalayaan.
Sigun iti Department of Labor and Employment (DOLE) kasapulan a suruten dagiti employer ti double pay wenno 200% a sweldo para kadagiti empleyadoda nga agtrabaho ita nga aldaw.
Malaksid iti dayta, kasapulan met a mabayadan ti overtime dagiti empleyadoda iti 30% tunggal oras tapno mainayon daytoy iti sweldoda.
Kabayatanna, nu nairana a rest day ti maysa nga empleyado ita nga aldaw ngem nagtrabaho latta, kasapulan a maipaayan daytoy iti kanayunan a sweldo a 30% malaksid iti double pay.
Para met kadagiti empleyado a saan a sumrek iti tunggal regular holiday, makaawat latta dagitoy iti 100%, la ketdi sinumrek dagitoy sakbay ti holiday.//Rose
