BAGUIO CITY – Nagbalin a naballigi ti umuna nga aldaw a pannakaipatungpal ti Brigada Skwela 2019 iti intero a rehion Cordillera.
Sigun kenni Department of Education (DepED) – Cordillera Public Information Officer Georaloy Palao-ay, babaen pay laeng daytoy iti panagtitinulong dagiti nagduduma nga stakeholders ti ahensia kas iti Philippine National Police, Reservist, Department of Social Welfare and Development, Civil Groups ken dadduma pay.
Kinunana a nangipatungpalda iti repainting kadagiti pagadalan, panangtarimaan iti bubidam, tugaw ken nangikkat iti ruot iti aglawlaw ti pagadalan.
Namnamen pay ti DepEd – Cordillera ti agtultuloy a panagtitinulong dagiti stakeholders dagitoy agginga a matarimaan dagiti pagadalan ken maisagana daytoy para iti iseserrek dagiti estudyante intun June 3.
Agleppas ti makalawas a Brigada Eskwela intun Sabado, Mayo 25 kas panagsagana iti iseserrek dagiti estudyante ti parabubliko a pagadalan inton Hunyo 3.
