Generally peaceful ti panakaobserbar iti UNDAS 2025 iti siudad iti Baguio nu sadino, saan a nagbalin a parikut ti nailet a gunay iti trapiko sigun iti kapulisan.
Iti interview iti Bombo Radyo kenni Police Major Marcy Grace Marron, Public Information Officer iti Baguio City Police Office, maysa laeng a kaso iti vehicular traffic accident nailista dagitoy partikular idi October 31.
Dagiti laeng nagbalin a pakaseknan dagitoy ket ti panangitugot dagiti daduma nga indibidwal kadagiti maiparit a kagawaan bayat iti iseserrekda kadagiti sementeryo kas kadagiti natatadem a banag pakairamanan dagiti gardening tools ken daduma pay.
Maibasar iti datos iti nasao nga opisina, 313 a kagawaan ti temporaryo a nakumpiskar manipod kadagiti simmarungkar.
Iti agdama, agtultuloy paylaeng ti heightened alert status ti kapulisan iti siudad agingga nga awan iti pammilin nga ipaiyulog ti central office wenno ti PNP National Headquarters.//Bombo Noveh Organo
