Nadadael ti underground bunker ti pimmusay a ni Iran Supreme leader, Ayatollah Ali Khamenei kalpasan a binombaan ti Israel Air Force.
Napasamak daytoy, maysa a lawas ti napalabas manipud idi pimmusay ti nasao nga Iran Supreme leader.
Sigun iti Israeli military, nangitinnag ti 50 fighter jets iti 100 a bomba iti underground bunker a masarakan iti “leadership complex” ti Teran sadiay Iran.
Kabayatanna, kinuna ti Israeli Defense Forces (IDF) a saklawen ti underground bunker dagiti multiple streets nga addaan iti adu nga entry points ken silid.
Maatap nga ar-aramaten daytoy dagiti senior Iranian officials para iti panagtataripnong dagitoy.
Sigun kadagiti maseknan nga otoridad, naipatakder ti nasao nga underground bunker kas emergency assets ti dadaulo dagitoy.
Nupay kasta, napapatay ti liderda sakbay paylaeng a maaramat daytoy.
