Uppat a kameng iti pulisya ti karaman iti 15 a kaso iti indiscriminate firing a nailista iti Philippine National Police (PNP) kabayatan ti holiday season.
Pakairamanan daytoy ti saggaysa a police master sergeant idiay Surigao del Sur ken idiay Iloilo, ken saggaysa met a patrolman idiay Parañaque City ken diay Cagayan de Oro.
Tallo kadagiti nasao a kameng iti pulisya a naglabsing ket naarestaren bayat a nawaya paylaeng ti maysa partikular ti patrolman manipod Cagayan de Oro.
Immuna metten a nagbalakad ti nasao a law enforcement agency kadagiti kameng daytoy a mabalinda a mapilaan iti kaso a kriminal ken administratibo nu aramatenda dagiti service firearms kadagiti iligal a panangpaputok nu adda ti pasken.
Kabayatanna, maibasar iti datos nga inruar ti nasao nga ahensya, napasamak dagiti saggaysa a kaso iti indiscriminate firing idi December 18, 19, 21, ken 31, dua (2) idi December 22, innem(6) idi aldaw ti Paskua, ken tallo(3) idi kalman, January 1.
Gapu iti dayta, nakumpiskar met ti innem a caliber 9mm pistols; lima a caliber 45 pistols; dua a caliber 22 revolvers; maysa a caliber .38 revolver; ken maysa a caliber 5.56 rifle.
