BAGUIO CITY – Napilaanen ti kaskenan a kaso dagiti uppat a suspek iti ipupusay ti maestro ken miyembro ti LBGT sadiay Brgy. Lipcan, Bangued, Abra idi Setyembre 28.
Immunan a nabigbig ti pimmusay a biktima a ni Rudy Steward Dugmam Sayen, 38-anyos, agisursuro iti Suyo National High School ken residente ti Bangued, Abra.
Nabigbig met dagiti suspek a da Romel Paa alyas “Ambong”, ti gunman; Sonny Boy Tullas, ti driver ni Paa; Aldrin Alagao, lookout ken Abelardo “Abe” Talape, middle man.
Sigun kenni Abra PPO Acting Provincial Director PCol. Many Castillo Cula, siguden nga adda ti kaso ni Paa a pammaltog ngem iti ruar ti probinsiya bayat a ni Abelardo ket isu ti kontraktor iti grupo.
Sigun pay kenni PCol. Cula, im-imbestigaranda ita ti maysa a barangay official a maitudtudo a mastermind iti nasao a krimen.
Maipalagip a napaltugan ti biktima kabayatan ti panagturongna iti pagadalan tapno agisuro.
Babaen iti tulong dagiti CCTV footages ken maseknan nga umili ket nabigbig ken natunton dagiti suspek.
Naipasidong metten ti narekober a paltog iti crime lab para iti ballistic examination.
Kidkiddawen met ita ti pamilya ken papagayam ti biktima ti napartak a panakaipaay ti hustisya.
Maipalagip nga idi 2014 ket pimmusay ti ama ti biktima gapu metlaeng iti pammaltog ngem agingga ita ket saan paylaeng a nagun-od ti hustisya.
