Nakipasetan ti uppat a woodcarvers ti kaleppas a woodcarving competition iti maysa kadagiti kadakkelan a mall iti syudad ti Baguio itay nabiit.
Daytoy ket maysa nga inisyatiba iti pasakalye group artist a mangipakita kadagiti talento iti rehiyon Cordillera.
Iti panakiuman ti Bombo Radyo kenni Maricar Docyogen, executive director ti pasakalye group of artist, kinunana a maysa a pakabigbigan ti City of Pines ken iti rehiyon Cordillera kas pakakitaan dagiti woodcarving/sculptors malaksid iti weaving ken tattooing.
Nopay kasta, agbalbalin a karit kadagitoy ti bumasbassit dagiti indibidual nga adda interesna iti woodcarving.
Gapu iti dayta, panggep ti woodcarving competition nga ipakita ti kinapateg ti woodcarving ken tapno mas maipakaammo daytoy iti publiko ken maitandudo pay ti nasao a craftmanship.//Bombo Noveh Organo
