Nakaala ni US Vice President Kamala Harris iti umno a botos tapno agbalin kas Democratic 2024 presidential nominee.
Gapu iti dayta, daytoy ti agbalin a kalaban ni sigud a US President Republican Donald Trump iti umadanin nga eleksyon inton Nobyemre iti agdama a tawen.
Sigun kenni Democratic National Committee Chair Jaime Harrison, sipapanakel daytoy a mangi-anunsyo a nakaala ni Harris iti majority votes wenno kaadoan a botos para iti panagbalinna kas presidential candidate.
Ni Harris, ti kaunaan a Black ken kaunaan nga Asian American vice president iti pakasaritaan ti Estados Unidos bayat a daytoy ti kaunaan a babai nga agtaray iti kangatoan a posisyon ti Amerika.
Kabayatanna, impeksa ni Harris nga “honoured” daytoy nga agbalin kas Democratic nominee bayat a naituding nga akseptarenna ti nominasyonna inton sumaruno a lawas.
