Binabalaw ni Senator Rodante Marcoleta ti maatap a naigagara a panang-edit ti kampo ni Senator Panfilo “Ping” Lacson iti maysa a video.
Sigun kenni Sen. Marcoleta, naglalaok dagiti komentona manipud kadagiti nadumaduma a paset ti transcript ken naikkat ti umno a konteksto daytoy.
Gapu iti dayta, nabaliwan ti kaipapanan dagiti amin a dinakamatna.
Innayon daytoy a nangipatulod iti sulat kenni Sen. Lacson tapno agkiddaw iti pammalawag.
Inlawlawag met ni Sen.Lacson nga awan ti direkta a kontrolna iti panag-edit kadagiti nilaon ti social media page dagitoy.
Malagip a nangrugi ti panagsinnukat ti statement dagiti dua a senador gapu iti isyu mainaig iti West Philippine Sea.
Ditoy a maatap nga insingasing ni Sen. Marcoleta a rumbeng nga ikonsidera ti Pilipinas ti panangisuko iti Kalayaan Island Group (KIG) tapno mapalag-an ti tension iti China.
