BAGUIO CITY – Maitantan ti voters registration para iti SK ken Barangay Election nga immunan a naituding inton December 9.
Iti panakiyuman ti Bombo radyo kenni Atty. John Paul Martin, election officer ti COMELEC Baguio, mairugi ti voters registration inton December 12 agingga January 31, 2023.
Inlawlawag pay ni Atty. Martin a naiyakar ti skedyul ti voters registration gaputa biyarnes ti naibatugan ti sigud nga skedyul nu sadino nasaysayaat nu mangrugi iti Lunes.
Sigun pay kenkuana, nangrugin ti panakisaritada kadagiti malls a pakaisayangkatan ti voters registration ken pagadalan tapno mapalagipan dagiti studyante iti karbenganda nga agbotos partikular iti SK Election.
Impetteng ti opisyal a maipatungpal ti voter registrations iti aldaw ti Lunes agingga Biyarnes, 8:00 am agingga 5:00 pm.
