Dumanon iti walo a pamilya ken baente sais nga indibidual ti nag pre-emptive evacuation idiay Kibungan ken tallo a pamilya ken walo nga indibidual idiay Gumatdang, Itogon sigun kenni Benguet Governor Dr. Melchor Diclas.
Iti panakiuman ti Bombo Radyo kenni Governor Diclas, kinunana a nu talaga a delikado ti kasasaad dagiti residente iti nasao a lugar ket maipa-force evacuate dagitoy.
Innayon ni Diclas a nakasaganan dagiti food packs ken assitance a maipaay para kadagiti pamilya nga agevacuate.
Kabayatanna awan pay ti naiparekkep a kalkalsada ken accesible daytoy kadagiti motorista.
Nakasagana met laeng dagiti heavy equipments a nakapreposition idiay Natubleng, Benguet kas bilang adda ti mapasamak a panagregaay wenno anyaman a didigra.//Bombo Noveh Organo
