Dead on arrival ti walo indibidual a naglugan iti van nga agturong koma idiay Tabuk City kalpasan ti head on collission iti igid ti national highway idiay Aurora, Isabela iti agarup 2:45 a.m. ita nga aldaw.
Iti inisial nga imbestigasyon ti pulisya ti Aurora, naammuan a nagtaud ti van ti Baguio City ken sarsarunuenna ti sabali pay a van.
Apaman a nakadanonda iti lugar ti insidente, kellaat a sinakup ti maysa a six-wheeler truck a lumasat iti abagatan a direksion ti kasungani a lane, a nangdungpar iti kannigid a paset ti umuna a van sakbay a nagdinnungpar daytoy iti maikadua a van, a nagluganan ti walo nga indibidual.
Karaman kadagiti pimmusay ket ti drayber ti van a ni Oseas Calderon, nga agnanaed idiay Bulo, Tabuk City.
Dagiti dadduma a pasahero ket mapapati a tumabuno iti maysa a kasar.
Mapapati a tumabuno dagiti dadduma a pasahero ti van iti maysa a kasar.
Nakaro metlaeng ti pannakadangran ti drayber ken pasahero ti dadduma a van ken dagos a naiturong iti pag-agasan, karaman ti drayber ti truck a nakaro metlaeng ti pannakadangranna.
Iti agdama, padpadasen ti Bombo Radyo a makaala pay ti kanayunan nga impormasion.
This is a developing story…
