Mamati kay kadi kabombo a no ti maysa a balasang wenno baro ket isu ti nakaala iti impurwak ti bride a wedding bouquet daytoy ket isu met ti sumaruno a maikasar?
Ti pangipurwak iti wedding bouquet ket maysa a tradisyon tunggal adda ti agkasar no sadino nangrugi daytoy idiay United Kingdom idi 1800 ken nagbalin a popular daytoy iti intero a lubong.
Ti wedding bouquet toss ket maysa kadagiti kararagsakan ken maab-abangan tunggal adda ti kasar.
Ngem ammo yo kadi mga kabombo nga imbis a naragsak ti maysa a kasar idiay Bosnia ngem saan ketdi agsipud ta nagresulta daytoy iti wrestling match kadagiti babbalasang a nakipila kalpasan ti pangipalladaw ti bride iti wedding buquet daytoy.
Daytoy ket gapu iti tarigagay ti tumunggal maysa kadakuada a maala ti nasao a bouquet, uray addan ti nakaal iti daytoy, ngem nakigtotda agsipud ta kellaat nga inagawda.
Gapu iti daytoy, nasuron ti nakaala rason a nagresulta iti pisikalan ken panapinnungot.
Adda payen dagiti napisang ti kawes a shining, shimmering, ken splendid evening gowns.
Dagus met nga impasideg dagiti bisita tapno anawaen dagitoy pati ti bride ngem saanda latta nga agsardeng.
Insuhistyon pay ti dadduma a dublien nga ipalladaw ti wedding bouquet ngem saanda nga immanamong.
Adu met kadagiti bisita ti na-curious no siasino kadagiti tallo a babalasang ti nakaala iti bouquet kenno anya ti itsura daytoy kalpasan ti rambulan.
