BAGUIO CITY-Manarimaan ti Yield Guild Games wenno YGG Pilipinas Road Trip idiay Camp John Hay, Convention center, Baguio City ita nga aldaw.
Ti road trip ket nangrugi idiay Batangas idi Abril a-trese iti agdama a tawen nu sadino ti siudad ti maika-dua a lugar a nagturongan paylaeng dagitoy.
Sigun kenni Yield Guild Games Spraky, YGG Community Lead, panggep ti programa nga ipakaammo ti crypto, blockchain, NFTs ken web3 kadagiti residente ti siudad.
Kinunana a dagiti Web3 games ket saan laeng a para iti liwliwa ti maysa nga indibidual nu di ket adda pay ti oportunidadda a makaurnong kadagitoy.
Kabayatanna, sigun met kenni Joniel Bon, Founder NFTXstreet ken maysa a digital community leader iti siyudad ti Baguio, dakkel ti tulong ti nasao nga event kadagiti agtutubo ti siyudad gapu ta kas kinunana ni Baguio city mayor Benjamin Magalong nga asidegen nga agbalin nga SMART city ti siyudad.
Innayona pay a dakkel nga oportunidad daytoy para kadagiti agtutubo, nangruna kadagiti gamers wenno agay-ayam kadagiti digital games gapu ta maka-explore-da ti sabali pay a mabalinda nga ay-ayamen ken mabalinda a pagkakitaan.//Bombo Jez Lapizar
