BAGUIO CITY – Puntirya ti Department of Health (DOH) – Cordillera a magun-od ti zero casualty fireworks related injuries ita a tawen.
Iti interview ti Bombo Radyo Baguio, kinuna ni DOH-CAR Regional Director Rio Magpantay, isaksakadda ti Ligtas Christmas Healthy Pilipinas bayat ti isasangbay ti paskua ken baro a tawen.
Maipalagip a nakailista ti ahensiya ti 66 a kaso ti fireworks related injuries manipud 2017 agingga 2021.
Nailista ti dua pulo ket dua a kangatoan a kaso idi 2019 bayat a nailista ti uppat a kababaan a kaso idi 2020 wenno idi un-una ti pandemya.
Nailista sadiay Abra ti kangatoan a kaso a dumanon iti dua pulo ket uppat.
Kaadoan kadagiti nadangran ket dagiti lallaki gapu iti panagaramatda ti paputok kas ti boga ken picolo.
Gapu iti daytoy, nainget ti kampanya ken panagwanawan ti health department kadagiti fireworks related injuries.//Tom Jaravata
