--Ads--
Dumanon iti sangagasut a ribu a balor ti marijuana plants ti pinarut ken inuram dagiti otoridad idiay Sitio Saleng Madaymen, Kibungan Benguet itay nabiit.
Nagresulta ti operation dagiti nagtipon a pwersa ti Kibungan Municipal Police Station, Provincial Intelligence Unit/Provincial Drug Enforcement Unit ken dadduma pay a maseknan a unit ti panakadiskubre ti agarup lima gasut a pidaso ti fully grown marijuana iti maysa a plantasion nga addaan iti kalwana a 100 square meters.
Nupay awan ti natiliwan a marijuana cultivator, dagus a pinarut ken inuram dagiti operatiba ti nadiskobre a marijuana iti isu metlaeng a lugar.
