--Ads--
Dumanon iti 109 nga overseas Filipino workers (OFWs) ti mangpangpanggep nga agawid iti Pilipinas kagiddan ti bumarbara a tension sadiay Israel ken Iran
Kinumpirmar daytoy ni Department of Migrant Workers (DMW) Secretary Hans Cacdac.
Kagiddan dayta, impetteng met ni Cacdac a nangipaay ti government team iti tulong kadagiti naapektaran a Pilipino pakairamanan ti Pilipino a nadangran itay nabiit.
Sigun kenkuana, critical paylaeng ti kasasaad daytoy bayat ti panagbisitada iti ospital.
Kabayatanna, innayon ni Cacdac nga awan ti nailista a baro a nadangran kadagiti Pilipino.
Nupay kasta, inyunay-unayna nga agannad latta dagitoy ken liklikan a rummuar.
