Inkonektar ni Sen. Alan Peter Cayetano ti Malacañang kadagiti 11 a senador a nagbotos a mangideklara a bakante ti amin a posision iti Senado idi Mierkoles, June 03 , 2026.
Sigun kenni Cayetano, “coordinated” ti panagbotos dagiti 11 a Senador kenni Senator Win Gatchalian kas Senate President Pro Tempore ken acting Senate President.
Impetteng ni Cayetano a dagiti 11 a Senador ket mangisaysayangkatda iti panagtataripnong iti Malacañang.
Gapu iti dayta, kinunana a naikoordinar ti quorum nga insanyangkat dagiti 12 Senador.
Iti sabali a bangir, impetteng ni Palace Press Officer Usec. Claire Castro nga awan ti nawatda nga impormasyon mainaig iti akosasyon ni Cayetano.
Kabayatanna, impaganetget ni Cayetano a daytoy paylaeng ti lehitimo a Senate President agsipudta sigun kenkuana, saan paylaeng a nakagun-od dagiti 12 a Senador iti maika-13 tapno makabotosda iti baro a Senate President.
Maipalagip a nangisayangkat ni Gatchalian ken 11 pay a senador iti session kalpasan a saan a dimmar-ay dagiti senador nga idauluan ni Cayetano iti session idi Lunes ken Martes.
