Imbutaktak ti Commission on Audit (COA) a naisayangakat ti 115 a surveillance operations ti Department of Education (DepEd) idi panawen ni Vice President Sara Duterte kas secretary ti ahensiya.
Nupay kasta, awan ti naisubmiter a listaan dagiti lugar a nakaisayangkatan ti surveillance operations.
Sigun kenni COA Auditor Roderick Wamil, nakalanad iti accomplishment report ti DepEd manipud Pebrero 20 agingga Marso 30, 2023 ti pannakaaramat ti confidential fund.
Maibasar iti report, dumanon iti P37.5 million ti nailatang para iti counterinsurgency, anti-illegal activities operations, anti-extremism and terrorism programs ken dadduma pay.
Malaksid iti dayta, nailatang ti P10 Million para iti anti-illegal activities operations kadagiti pagadalan iti sidong ti anti-extremism ken terrorism campaign.
Karaman iti report a naisubmitir iti COA ti pannakaileppas ti 115 surveillance operations ngem awan ti partikular a lugar.
