Nasurok iti P700-K a gatad ti financial assistance ti naipaay kadagiti 13 nga sigud a rebelde a nagsubli iti sidong ti gobierno iti naangay nga programa sadiay Chico Breeze, Poblacion, Bontoc, Mountain Province itay nabiit.
Immawat iti sag-P15,000 agingga P149,000 nga cash assistance ti tunggal benipisaryo.
Naiyunay-unay met kadagitoy nga aramatenda kas katulungan iti panagsublida iti sidong ti gobierno ken panagbiagda iti normal a maiyadayu iti armed conflict ti naiyaawat nga assistance iti sidong ti Enhanced Comprehensive Local Integration Program .
Karaman met kadagiti nangidaulo iti panakaipaay dagiti cash assistance dagiti nagduduma nga ahensia ti gobierno kas iti 69th Infantry (Cougar) Battalion ken 7th Infantry (Kaugnay) Division ti Philippine Army, DILG Mt. Province, provincial government ti Mt Province ken ti Provincial Social Welfare Development Office.
Ti nasao ng programa ket paset metlaeng ti agtultuloy nga koordinasyon dagiti local ken national government units iti Whole of the Nation Approach to End the Local Communist Armed Conflict a programa ti gobierno.
