--Ads--
BAGUIO CITY – Maisagsaganan dagiti papeles para iti panakaipila ti kaskenan a kaso kontra iti maysa a menor-de-edad a nag-imet ti marijuana iti uneg ti maysa a pagadalan sadiay Military Cut-Off, Baguio City idi kalman.
Sigun iti Baguio City Police Office (BCPO) – Station 5, ti nasao a menor-de-edad ket 17-anyos nga estudyante.
Nakumpiskar kenkuana ti maysa a pakete a naglon iti napagango a bulong ti marijuana nga agdagsen iti 0.5 gram ken aggatad ti P1,000 ken maysa a lighter.
Sigun iti pulisya, inpakita ti suspek ti iggemna a marijuana kadagiti kaklasena ngem nagpulong ti maysa kadagiti kaklasena iti mannursuroda.
Nagresulta daytoy iti panakemmeg ti suspek babaen kadagiti kameng ti BCPO – Station 5. (-with Bombo Brigitte Marcasi)
