BAGUIO CITY – Nakemmeg ti dua a drug personalities iti nagsina a buy-bust operation ditoy siudad ti Baguio.
Immuna a nakemmeg sadiay Bakakeng Central idi kanikadua ni Czareanah Angel De Guzman Dayto alyas Ina Santos, 19-anyos, awanan trabaho, tubo ti San Juan, La Union ken agnanaed sadiay Balacbac Road, Santo Tomas Proper.
Nakumpiskar kenkuana ti dua a pakete ti maatap a shabu nga aggatad ti P6,800 ken ti naaramat a buy-bust money.
Simmaruno a nakemmeg sadiay Dagohoy Street, Kagitingan Barangay idi kalman ni Mike Maqui Jimenez alyas Mike Kevin Ramos, 26-anyos ken residente ti T. Alonzo Street.
Nakumpiskar kenkuana ti tallo a pakete ti maatap a shabu ken ti naaramat a buy-bust money.
Agpada a sumangsangon dagitoy iti kaso a panaglabsing iti Republic Act 9165 wenno ti Comprehensive Dangerous Drugs Act of 2002.
