BAGUIO CITY – Nakemmeg ti maysa a maibilbilang nga Street Level Individual drug personality ditoy lokalidad iti insayangkat dagiti otoridad a buy-bust operation sadiay St. Therese, Dominican Mirador, siudad ti Baguio idi kalman.
Nabigbig daytoy a ni Karl Renz Aquino Collado alyas Renz Collado, 22-anyos, baro, awanan trabaho ken residente ti nasao a lugar.
Nakumpiskar kenkuana ti tallo a gramo a kadagsen ti mapapati a shabu a mapattapatta nga aggatad ti nasurok P2,000 ken ti selfone a naaramat iti transaksion.
Narekober metlaeng kenkuana ti naaramat a buy-bust money.
Kabayatanna, nakemmeg met ti maysa a drug personality iti naisayangkat a buybust operation kontra kenkuana sadiay Balangabang, Pico, La Trinidad, Benguet idi kalman.
Nabigbig daytoy a ni Reynaldo Sacla Aquino, 27-anyos, baro, tubo ti Kapangan, Benguet ken residente ti Toyong, Pico, La Trinidad, Benguet.
Nakumpiskar kenkuana ti dua a pakete ti mapapati a shabu nga agdagsen ti 0.16 grams.
Iti agdama, sumangsango dagiti dua iti kaso a panaglabsing iti RA 9165 wenno iti Comprehensive Dangerous Drugs Act of 2002.
