BAGUIO CITY – Nakemmeg ti dua nga indibidual iti anti-illegal drug buy-bust operation nga insayangkat ti Baguio City Police Office (BCPO) ken Philippine Drug Enforcement Agency (PDEA)-Cordillera sadiay Purok 1, Sunnyside, Fairview, Baguio City idi kalman.
Nabigbig dagitoy a da Ivy Cataherine Masliyan, 23-anyos, online seller ken tutor, tubo ti Mankayan, Benguet ken ni Junbee Sioko Diaz, 36-anyos, awanan trabaho ken tubo ti Masbate, City.
Nakumpiskar kenni Diaz ti maysa a sachet ti mapapati a shabu nga agdagsen ti maysa a gramo bayat a naala kenni Masliyan ti dua a sachet ti mapapati a shabu nga agdagsen iti lima a gramo.
Naipaiman iti Regional Crime Laboratory Office-Cordillera dagiti nakumpiskar a droga para iti eksaminasyon bayat a naipilan ti kaskenan a kaso kontra kadagiti nakemmeg nga indibidual.
