Pimmusay ti dua nga indibidual iti nagsina a lugar iti siudad ti Baguio kalpasan a nadisgrasya iti kalsada itay nabiit.
Iti Magsaysay Avenue, Lower Magsaysay, Baguio City, pimmusay ti 28-anyos a residente iti San Luis Village, Baguio City kalpasan nga aksidente a natumba ken nadungpar iti maysa a bus.
Iti inisial nga imbestigasion dagiti otoridad, agpada a daldalyasaten ti motorsiklo ken bus ti inbound lane ti Lower Magsaysay idi nadalanan ti driver ti motorsiklo ti drainage hole, a nangitunda iti pannakatnagna.
Dagos a naitaray daytoy iti ospital ngem pimmusay latta.
Iti report, pimmusay ti indibidual gapu iti pannakadangran ti ulona ken pannakaawan ti darana.
Naipasidong met iti alcohol breath test ti driver iti bus.
Iti sabali a bangir, pimmusay ti 38-anyos a residente iti Pacdal, Baguio City kalpasan a nadalanan daytoy iti maysa a bus.
Iti inisial nga imbestigasion iti kapulisan, agpada metlaeng a daldalyasen dagiti ti inbounda iti Baguio City.
Bayat nga adda dagitoy iti kalsada, pinagbigyan ti dryber ti bus ti maysa a truck rason tapno ag-swerve daytoy iti kannawan ngem saanna a nadlaw met ti motor a pasungad a napaspas ti panagtarayna.
Gapu iti kinapartak daytoy, nadungpar ti motor ti bus a nangitunda iti pannakatnga ti drayber ti motor iti kalsada ken nadalanan ti bus.
Dead on the spot ti drayber ti motor gapu iti nakaro a pannakadangran ti ulona.
Naipasidong metlaeng iti alcohol breath test ti driver ti bus.
Agpada a naiturn-over ti nasao nga insidente iti Traffic Management Unit para iti umno a disposition.| via Bombo Noveh Organo
