Indominar ti United States of America ti 2024 Paris Olympics kalpasan a naalada ti naudi a balitok a medalya iti Women’s basketball team.
Ti kaudian a balitok a medalya a nagun-od ti Estados Unidos ti nagbalin a rason para iti panagbalinda a rank no.1 iti medal tally ti Paris Olympics.
Dumanon iti 126 a medalya ti nagun-od ti Estados Unidos a pakabuklan ti 40 a balitok a medalya, 44 a silver medal ken 42 a bronze medals.
Sumarsaruno ti People’s Republic of China nga addaan iti 40 a balitok a medalya, 27 a silver medal ken 24 a bronze medals.
Maikatlo ti Japan a nakaala iti 20 a gold medals, 12 silver ken 13 bronze medals; sarunoen ti Australia nga addaan ti 18 gold medals, 19 silver ken 16 bronze medals; ken ti host country a France a nakaala iti 16 gold medals, 26 silver ken 22 bronze medals.
Kabayatanna, ti Pilipinas ket rank no.37 kalpasan a nakagun-od dagiti atleta iti dua a balitok a medalya ken dua a bronze medals.
Kadua ti Pilipinas ti pagilian a Hongkong, China iti nasao a pwesto.
