HEBEI PROVINCE, CHINA – Love knows no age. Dayta ti paka-istoryaan ti aginnayan-ayat idiay China.
Maysa a 23-anyos ti nakarikna ti romansa a panagayat iti 80-anyos a lalaki iti maysa a retirement home idiay Hebei Province, China.
Ngem sakbay dayta, nagbalin pay a bestfriend da Xiaofang ken Mr. Li kalpasan a naduktalanda nga agpada ti interes ken bambanag a pagaayat dagitoy.
Sigun kenni Xiaofang, na-attract iti kina-mature ti panagpampanunot ni Mr. Li gapu ta natibker daytoy iti panangsango-na kadagiti pannubok ken nalawa ti panangmatmatna iti biag.
Sigun met kenni Mr. Li, nainlove iti kinaanus ni Xiaofang.
Kabayatanna, saan a pabor ti pamilya ni Xiaofang iti romantic relationship daytoy kenni Mr. Li gapu ta kasla nga apong ti balasang daytoy.
Ngem pinili ni Xiaofang ti makikadwa iti nobyo-na.
Nakaawat ti adu a pammabalaw ti relasyon da Xiaofang ken Mr. Li ngem ad-adda a pinili da nga ilaban ti marikrikna da agingga a nagkallaysa dagitoy.
Iti baet nga awan ti timmabuno a kameng ti bukodda a pamilya iti wedding ceremony dagitoy, nagkinnari da nga aginnayan-ayatda ken agkadwa da iti rigat man wenno nam-ay tungpal biag dagitoy.
