Naarestar ti trentay sais anyos a lalaki, street level individual, awanan asawa ken residente ti Adarna St. Dizon Subdivision, Baguio City ken tubo ti Poblacion, Bauko, Mt. Province iti naisayangkat a buy bust operation sadiay Km. 20, sitio Tabeo, Barangay Ambassador, Tublay, Benguet idi Mayo 20, 2025.
Nakumpiskar manipud iti suspek ti 0.54 a gramo ti heat sealed a maatap a shabu nga adaan ti standard drug price a P3, 672 nga inlakona iti poseur buyer a kameng dagiti otoridad.
Malaksid iti dayta, naala manipud kenkuana ti maysa a black sling bag a naglaon iti innem nga empty plastic sachet, blue selpon, maysa a portable weighing scale, maysa a pidaso ti P1-K genuine bill, maysa a pidaso ti P1-K boodle money, leather wallet a naglaon iti lima a pidaso ti P 100 bill ken dua nga identifiaction card ti drivers license ken grab ID, motor ken maysa a helmet.
Naiturung met ti suspek iti Tublay Police Station para iti umno a dokumentasyon.//Bombo Noveh Organo
