BAGUIO CITY – Napadayawan ti uppat kameng ti Police Regional Office Cordillera ti Medalya ng Kagalingan (PNP Medal of Merit) kas panangbigbig iti dakkel a naaramiddan dagitoy iti rehiyon kontra iti iligal a droga.
Impaima ni PROCOR Regional Director PBGEN RONALD OLIVER LEE ti nasao a medalya kadagiti nabigbig a Cordilleran cop a da PLT GIDEON A BENNAGUEN, PMSg John Ray S Date, PLT LYSTER W ABAG, ken PCpl Neil M Agyao.
Agpada a nagtaud da PLT Bennaguen ken PMSg Date iti Benguet Police Office nu sadinno balligi ti inpatungpalda a Marijuana Eradication sadiay Barangay Kayapa, Bakun, Benguet a nakadadaelan ti nasurok P12-M a gatadna a marijuana plants.
Nagtaud met ni PLT ABAG iti Regional Intelligence Division bayat a nakaassign ni
PCpl Agyao iti Kalinga PPO nu sadinno agpada a naballigi ti buy-bust operation dagitoy a nakatiliwan ni Ruben Buccay Appag ken nakakumpiskaran dagiti Marijuana Bricks/Tabular nga addaan a gatadna a nasurok P2-M sadiay Barangay Lucog, Tabuk City, Kalinga.
Naibasar iti NAPOLCOM Memorandum Circular No. 93-018 ti nasao a pammadayaw kas panangbigbig kadagiti personalidad a nangipaay iti dakkel a konstribusyon kadagiti nagduduma nga operasyon iti rehiyon Cordillera.
