--Ads--
Nakadanonen iti Pilipinas dagiti 43 nga indibidual manipud Dubai gapu iti agtultuloy a tension sadiay Middle East.
Dagitoy ket dagiti 20 nga inna ken dagiti 23 nga annakda.
Malaksid iti dayta, kaduada metlaeng dagiti sangapulo nga overseas Filipino workers (OFWs) a naituding nga agturong sadiay Jordan tapno agtrabaho kas domestic workers.
Naipaayan met dagitoy iti P50,000 tunggal maysa kasta metten ti reintegration ken livelihood assistance.
Kabayatanna, makikokoordinar metten ti Department of Migrant Workers (DMW) ken Overseas Workers Welfare Administration iti Department of Foreign Affairs tapno maipasigurado ti seguridad dagiti Pilipino a naapektaran iti tension sadiay Israel ken Iran.
