Naarestar ti lima(5) nga indibidwal a pasig a residente iti La Trinidad, Benguet ken Baguio City kalpasan a naaktwan dagitoy a mangipatpatungpal iti illegal gambling partikular ti drop ball ken baccarat nga addaan ti pustaan wenno bet idiay Buyagan, Poblacion, La Trinidad, Benguet.
Dagiti naarestar ket pakairamanan iti agtawen iti 41 a lalaki a manager iti nasao a gambling group ken maysa a minero; agtawen iti 42 a driver; babae nga estudyante nga agtawen iti 21; maysa a driver nga agtawen iti 21; ken ti storekeeper nga agtawen met iti 25.
Ti panakaarestar dagitoy ket babaen iti naipatungpal nga intelligence- driven anti-illegal gambling operation dagiti kameng iti Benguet Provincial Intelligence Unit/ Philippine Drug Enforcement Unit ken ti La Trinidad Municipal Police Station(LTMPS).
Iti report dagiti operatiba, nakumpiskar kabayatan ti operasyon ti ₱2,880 manipod iti drop ball area, maysa a drop ball table, maysa a funnel wenno embudo, tallo(3) a piraso ti pingpong balls, maysa(1) a pingpong ball picker, drop ball funnel, ken wooden post.
Malaksid iti dayta, nakumpiskar metlaeng manipud iti Baccarat area ti maysa a baccarat table, playing card dispenser nga addaan 260 a pidaso iti playing carfs, plastic container a naglaon iai 36 a pidaso iti plastic chips wenno pitchas ken daduma pay a kagawaan.
Amin dagiti indibidwal a naarestar ken dagiti nakumpiskar a kagawaan ket naipaima iti maseknan nga istasyon iti pulisya para iti umno a dokumentasyon.
Iti agdama, maisagsagana metten dagiti kaskenan a dokumento para iti panakaipila iti kaso a panaglabsing iti Presidential Decree No. 1602.//Bombo Noveh Organo
