BAGUIO CITY – Mapatta-patta a 50 nga establishimento ditoy Baguio City ti naipaayan iti notice of violation gapu iti kaawan ti bukodda a pagparadaan.
Sigun kenni Engr. Januario Borillo, dadaulo ti Traffic and Transport Management Division ti City Engineering Office, saan pay a nairaman iti nasao a bilang ti paka-ammo nga impaay ti City Buildings and Architecture Office.
Kinunana a manarimaan paylaeng ti panakikoordinarda ti opisinada iti City Environment and Parks Management Office para iti panakabigbig pay dagiti establishimento nga awanan ti bukod a pagparadaan ken dagiti nangsakop iti road right-of-way.
Dinakamatna a maysa kadagiti impaayanda ti notice of violation ti mays a dakkel a groserya iti deppaar ti Bokawkan Road nga addaan ti paradaan a sakop to road right-of-way.
Innayonna nga adu pay dagiti kasapulan a maipasidong iti development tapno lumawa dagiti kalsada ken marisot ti pakaseknan iti nailet a gunay ti trapiko ditoy siudad.
Immunan a nakiddaw ti panangbigbig dagiti maseknan nga opisina kadagiti establishimento ditoy siudad a nangokupar iti road right-of-way ken nagaramat iti daytoy kas bukodda a paradaan.
