--Ads--
BAGUIO CITY – Naitaray iti ospital ti 6-anyos nga ubing kalpasan a nasagid ti dumaldalyasat a lugan sadiay Paoad Elementary School, Acop, Caponga, Tublay, Benguet itay alas singko ti malem.
Ti biktima ket estudyante ken residente ti Shilan, La Trinidad, Benguet ken ti suspek ket agtawen iti 42-anyos, residente ti Puguis, La Trinidad, Benguet.
Maibasar iti imbestigasyon ti pulisya, paturong ti lugan nga imanmaneho ti suspek sadiay Tomay, La Trinidad idi nasagidna ti biktima a dumaldalyasat iti pedestrian lane.
Iggem ita ti Tuba Municipal Police Station ti suspek bayat nga adda paylaeng iti ospital ti biktima.//Bombo Cara Sacyaten
