--Ads--
Agarup 88 million a Pilipino ti nagparehistron iti Philippine Identification System Identification Card wenno ti National Identification Card.
Asidegen daytoy iti 92 million a puntirya ti Philippine Statistics Authority a mairehistro ita a tawen.
Inyunay-unay ni Deputy National Statistician Fred Sollesta, a ti National Identification Card ket nabileg a pakabigbigan ti maysa nga indibidual.
Iti baet ti dakkel a bilang dagiti nagparehistro, 51.5 million a physical cards ti naiwarasen kadagiti agtagikua bayat a manarimaan pailaeng ti pannakaiwaras dagiti tallo a milyon a National Identification Card.
Kabayatanna, 25 million ti electronic ID, ti digital verson ti National ID a naimprinta kadagiti registration centers ket nairuaren.
