BAGUIO CITY – Binigbig ti ama ti Baguio dagiti law enforcement agencies ditoy siudad gapu iti naaramidan ken kontribusyon dagitoy iti panakamintinir ti linak ken kappia iti siudad ti Baguio. pakairamanan ti akem dagitoy iti kampanya kontra iti COVID-19.
Iti naangay a monthly council meeting dagitoy, impannakkel ni Baguio City Police Office – Operations Officer PLt.Col. Domingo Gambican a dakkel ti bimmabaan ti crime incidents wenno bilang dagiti nailistada a krimen iti las-ud ti napalabas a dua a bulan.
Sigun kenkuana, babaen daytoy iti strategic deployment, nainget a koordinasyonda kadagiti nagduduma nga stakeholders ken panakaiwaras dagiti pulis a nakabado ti sibilyan.
Innayonna a dakkel pay a nakatulong iti kampanya para iti linak ken kappia iti lokalidad ti nainget a panangimplementarda iti naituding a curfew hours, liquor ban ken dadduma a pagalagadan.
Inyunay-unay met ti mayor ti aktibo nga akem ken partisipasyon ti civil society group iti panagdur-as ti siudad ken iti panakaparmek dagiti iligal nga aramid kas iti korapsion.
