BAGUIO CITY – Agpapaimbag ita ti maysa a lalaki kalpasan a maatap a nabagsol sadiay Balangabang, Pico, La Trinidad, Benguet idi kalman.
Nabigbig daytoy a ni Renz Ducusin Mislang, 23-anyos, laborer ken residente sadiay Pico, La Trinidad.
Maibasar iti inisyal a report ti La Trinidad MPS, agkankanta ti biktima iti videoke iti store a tagikua ti kabagyanna.
Nupay kasta, adda ti nakainom a lalaki ken tallo pay a kadwana a nang-ikkat iti saksakan ti videoke.
Kinasarita ti biktima dagiti suspek ngem saan a nagsasao dagitoy ken killaat latta a binagsolda ti tiyan ti biktima.
Timmaray dagiti suspek kalpasan ti insidente bayat a naitaray ti biktima iti Benguet General Hospital
Agtultuloy ti imbestigasyon dagiti otoridad para iti pakabigbigan ken panakatiliw dagiti suspek.
